ياااااااه النهاردة آخر يوم في شهر فبراير !!!
انا حاسة اني هطير من الفرحة لان شهر فبراير خلاص هيخلص
انا بجد من اكتر الشهور اللي بكرهها هو فبراير
لازم كل سنة في الشهر دة تحصلي حاجة .... وحاجة مش اي حاجة
حاجة جامدة آخر حاجة ،، بتكون ضربة معلم
ضربة افوق منها بعد سنة ،، يكون فبراير التاني جه ومعاه مصيبته
يعني يا دوبك ما اصدق افوق من الصدمة الاقيه بسلامته مجهزلي صدمة وضربة محترمة تانية
وطبعآ السنادي فبراير مرضاش يمشي من غير ما يسيب بصمته
وفعلا شهر اد كلمته ساب البصمة قبل ما يمشي
بس بصمة انما ايه لوحتني
ربنا يستر بقى وفبراير اللي جاي متكونش صدمته جامدة ،، ولا ضربته تقطم الضهر
ميجيش في مرة كدة الاقي فبراير جاي ومعاه عريس ؟؟!!! ههههههههههه
بس أد ما انا فرحانة اد ما زعلانة
لان طبعا اول لما فبراير ما هيمشي هيطب علينا اخينا مارس
وعمنا مارس بقى ما يفرقش عن اخوه فبراير في حاجة
يعني بيجي وهو شايل مصيبته بين ايامه
يارب استر يارب ،، الشهر دة هيعدي ولا كأنه سنة ، زي فبراير كدة
يارب مارس يطلع جدع وحليوة ويعدي من غير ما يمسي عليا
ولا حتى يصبح ولا يسلم ولا عايزاه يهزر
اصل هزاره تقيل اوي هو وفبراير
يارب مارس يعدي على خير ياااااااارب
هناك تعليقان (2):
ربنا يصلح الحال يا رب ...
ازيك يا بنت اخويا؟ فرفشي كده .. صوت الحياة بيعرف يصرخ من الفرحة بنفس مقدرته على الصراخ من الحزن
;)
تحياتي ..
ربنا يخليك يا خالو
بحاول اهو افرفش
بس انا نفسي صوتي يصرخ من الفرحة مرررررررررة
يالا الحمد لله على كل حال
نورت يا خالو والله
تحياتي ،،
سارة
إرسال تعليق