تـاج وصــل وواجب اتحل

وصلي تاج من الصديقة شهرزاد
صاحبة مدونة رسائل الى القمر
ودة اول تاج ليا

وهو عبارة عن سؤال بيقول :

اذكر ستة اسرار اللي يشوفنا لاول مره ميعرفهومش عننا:

هو انا مش بحب الكلام عن نفسي بس دة واجب والواجب لازم حتمآ ولابد انه يتحل

الأول : دمعتي قريبة مني جدا جدا جدا وبتأثر بأي حاجة حتى لو مش تخصني وبرغم كدة مش بحب اي حد يشوف دمعتي في عيني وانا بعتبر الدمعة القريبة عيب لانها بتكون مركز قلق لصاحبها

الثاني : روماسية لدرجة كبيرة وبعشق الطبيعة والهدوء
لكن برغم رومانسيتي الا ني شايفة ان زمن الحب انتهى او بالادق ان الحب الصادق بقى زي العملة النادرة
ورغم رومانسيتي الا اني بجد طريق صعب للبوح بمشاعري للآخرين بحب

الثالث : ذاكرتي قوية بفتكر الاحداث بادق تفاصيلها باليوم والساعة والتاريخ طبعآ كله ماعدا المذاكرة لان اللي بيدخل من اليمين بيخرج طوالي من الشمال
بس بعتبر الذاكرة القوية عيب كبير جدا بالذات في المواقف المؤلمة لاني مش بقدر انساها ابدا ابدا
وطبعا بتكون نعمة كبيرة في حاجات تانية الحمد لله

الرابع : بيقولوا ان عقلي اكبر من سني وان تصرفاتي بتكون عقلانية لكن احيانا ما تحدث فلتات لم يتوقع احد ان انا اللي اتصرفت كدة
وأول واحد اكتشف الموضوع دة هو مدرس الفيزياء لاني كنت بحل المسائل الصعبة ومعرفش احل السهلة مش عارفة ازاي؟؟!!
وكمان بالنسبة للعقل الكبير بيقولوا برضو اني جدية في تصرفاتي يعني ساعات آخد المواضيع بجدية كبيرة ودي حاجة مش حلوة اوي

الخامس : عنيدة جدا ودماغي ناشفة جدا جدا
وانا بعترف ان عندي دائمى يسبب لي الخسائر ، لكني ارى في انتصاري في عندي مكسب لي !!!
نظرية غريبة

السادس : متسرعة في اتخاذ القرارات ،، قراراتي دائما ما تكون سريعة ولا تأخذ الوقت الكافي في التفكير ،، بس للاسف في قرارات لا استطيع الرجوع فيها ولا اجد سوى الندم وهو ما اكرهه بشدة



اتمنى اني اكون وصلت ولو جزء ضئيل جدا من شخصيتي بطريقة صحيحة
وان كان أحد يرى نقيد ما ذكرته فرأيه هو الصواب
فأنا لا احكم على شخصيتي بل هي محل حكم من الآخريين

امرر التاج الى

صديقتي رغدة

قلب انسان

قلب مصري

اسير الجراح

فارس بلا جواد